XX. mendeko Euskararen Corpus estatistikoa

Testuingurua

5. HORMIRUDIAREN HIRUGARREN ATALA:

BI GARRAIABIDE KONPARATZEN

Dagoeneko trenari buruzko hainbat informazio jaso duzu.

Informazio gehiago nahi izanez gero, hona hemen beste testu bat gai honetaz.

Aukera ezazu beste garraiabide bat: hegazkina, bizikleta, kotxea... eta aurkitu bien arteko antzak eta aldeak.

Gero testuratu Bi garraiabide konparatzeko kontrol zerrendaren arabera.

Etorkizunik ba ote dute trenek?

Argi dago automobilak eta hegazkinak egiten dioten konpetentzia gogorra jasan behar duela trenak, eta horien mailan egon nahi badu etengabeko berrikuntzan saiatu beharko dela.

Abiadurari eta erosotasunari ematen zaie erabateko lehentasuna lErabateko lehentasuna: abiadura eta erosotasuna dira bidaiarientzat gauzarik inportanteenak.

Trenbide guztiak tren elektriko bidez estaltzerik balego 2 Estaltzerik balego: posible balitz trenbide guztietan tren elektrikoak ipintzea, abiadura bizkortu egingo litzateke.

Argi indar linearik ez dagoen lekuetan, dieselezko lokomotora elektrikoak erabili behar izaten dira.

Lokomotora mota hauetan, dieselezko motor baten bidez trenak bere funtzionamendurako behar duen adina 3 Behar duen adina: behar duen beste, behar duen guztia elektrizitate sortzen da.

Abiadura handiagoan ibili nahi izanez gero, karrilak ere egokitu beharra dago.

Ideia honen bultzatzaile nagusia Japon izan da, nahiz eta gaur egun Alemanian ere arlo honetan esperimentuak egiten ari diren, errail bakar baten gainean ibiltzen diren trenekin egiten diren frogak lekuko.

J. Berlin-ek asmatutako aerotrena airezko kuxin 4gauza arinez (lumaz airez...) betetako zorro edo zakua gainean joaten da errail bakarraren bidez.

Gaur egun oraindik froga fasean dago.

Orduko 300 km-tik gorako abiadura lortzera iritsi da saioetan.

Karril bakarreko tren hauek tren normalek baino abiada altuagoak lortzen dituzte.

Ondo egia da, bai pertsonen garraioan eta bai merkantzienean abiadura faktore garrantzitsua dela oso, batez ere eraman beharrekoak leku oso urrunetakoak direnean.

Bidaiari kopururik handiena bereganatzeko, trenari beharrezko zaio bere bidaiak erosoak egitea.

Bidaiako kostuak txikiak izan behar dira, trenaren barnea modernoa eta, zer esanik ez, eserlekuak oso egokiak.